Äöpening sezoen 2017-2018

okt 13, 2017 | Nuuts |

Op 11/11/2017 wurt ’t sezoen traditioneel geäöpend door de SGVV (Samenwirkende Gelaense Vastelaoves Vereinigingen). 

De Vief van Gelaen äöpene dan same ’t sezoen mit ein mès in de Augustinus kerk om 11:00 oer. Natuurlik zulle dao aug alle Prinsen en Jeugprinsen bie aanwezig zeen. Nao de mès trèkke veer gezamenlik nao ’t centrum óm “de Aafgebrende Gaaskaetel” op te laote.

Op 11/11/2017  klokslaag 19:11 oer äöpene De Uule in Awt Gelaen op ’t pleintje bie café Wilhelmina ’t nuuje sezoen.

Aug dit jaor zulle weer de vlagge in top gehese waere en “de Uul” op ’n ludieke meneer bènnegehaold waere mit óngersteuning van De Awt Prinse Uule, Awt Jeugprinse Uule, De Ealenjers en Peter Kunkels.